يا قمحك يا روسيا *****
يا فولك يا صين
يا خيرك يا بلدي *****
اللى ضاع من سنين
بنزرع فى صحراء *****
بنبي فى طين
ولا حد عارف *****
شمال من يمين
******
رغفنا المتين ** حبيبي انت فين ؟ مطلع لسانك وبتغيظ في مين ؟
وليه بس حالف ** يا عم المناكف ** تكون عمله صعبه ** يا ريتك تلين
متزعلش مني ** فراقك قاتلني ** ونفسي اشوفك بصحه وسليم
ووبعت سلامي لواحد حبيبي *** قرر يجيلك ياخدلوا رغفين
بسال عليه
في بيتهم قالولي *** يدوب لسه خارج بقاله يومين
ابوه بس خايف مجرب وشايف *** وحاسس بحاله ووخده الحنين
بيقول لو هتبرد يا بني اديني
رنه *** وهبعتلك امك معاها لحفين
يا قمحك يا روسيا **** يا فولك يا صين
يا خيرك يا بلدي **** اللى ضاع من سنين
يا ارض السلام **** زهقنا كلام
محدش بيسمع **** وكله تمام
مفيش حراميه ؟
مفيش عصبجيه ؟
ولا حد شارب
بيكسر بيبان
مفيش مطوه حايرة ؟ مفيش سنجه
طايرة ؟ ولا بلطجيه بتقفل ميدان
هتدفع تعدي * في قصر وهادي * هتعمل مناضل * هتخسر يا مان
سيبك من الجرايد * وخير بالكومه فايض * وخطه جهنميه * لوزرنا الهمام
توشكي العبقرية * و خصخص فى
التكيه* والقرية الزكيه * وحزام الامان
يا ارض السلام
***** زهقنا كلام
محدش بيسمع *****
وكله تمام
اغاني في اغاني *****
سلامة وداني
مفيش في البلدي *****
وظيفه عشاني ؟
ومتقولش ادفع ينوبك ثواب **** يا ريت بس ترحم فى جيبي اللى داب
وانا تحت أمرك *وأمر المدام **** اوامر عيالك وومامتك كمان
الموضوع دة عجبنى فى احد المنتديات قلت اجيبه تشوفوه لانه عجبنى اوى
يا رب يعجبكم
عدل سابقا من قبل moon light في الخميس مارس 18, 2010 4:28 pm عدل 1 مرات
